الهي و قفت دموعي تسيل و قلبـي ببابـك بـاك ذليـل فذنبي كبير و زادي قليـل فمـن عـلـي بعـفـو جمـيـل أتيـت اجـر خطايـا السنيـن اتيت الـى ارحـم الراحميـن و كلي اعتقاد و كلي يقين بـان لديـك شـفـاء العلـيـل سألـتـك مغـفـرة لـلـذنـوب و سترا لما مسنا من عيوب فأنت الهـي طبيـب القلـوب و نور هداك يضيء السبيل

Tuesday, January 29, 2008

كاكا وتريكة










كاكا وتريكة
طبعا كلنا شفنا الحركة الرائعة اللي عملها الكابتن أبو تريكة ربنا يكرمه ويقويه وشيء رائع اننا نلاقي لاعب كرة مهتم بقضية انسانية خطيرة جداً زي دي خاصة انه انسان محبوب وكل العالم اتكلم عن اللي عمله
لكن انا مش داخل دماغي حكاية ان اللي عمل شعار ديني أو سياسي ياخد انذار أساسا والكلام التالي لكابتن جمال الشريف الحكم السوري المعروف تم الغاء بند الانذار عند خلع اللاعب لقميصه بعد احراز الاهداف إلا لو استفز به جمهور الفريق الاخر
وبعدين نروح أوروبا ونشوف هناك لاعب أخر موهوب ويحمل رقم 22 أيضا طبعا عارفينه كاكا لاعب الميلان الخطير الذي حسب أقواله هو شخصياً سيعمل كقسيس عندما يعتزل كرة القدم أعتقد مفيش تدين أكثر من كده راجل معاه ملايين حيسيب كل ده ويعمل في الكنيسة
المهم ان السيد كاكا كلما أحرز هدفا يرفع قميصه ومكتوب تحته
I BELONG TO JESUS
يعني كترجمة حرفية أنا انتمي للمسيح
ورغم ذلك لا بياخد انذارات ولا كروت ولا تحذير ولا أي حاجة
وايضا اللاعب اللي رفع علم اسرائيل محدش كلمه
يعني لا شعار ديني أخد أنذار ولا اللي رفع شعار سياسي أخد انذار
طبعا انا أؤمن بنظرية المؤامرة وياريت محدش يقولي اني رجعي واللي ليه أي تفسير ياريت يبعتلي ويقوللي ليه اللاعب المسلم تحصله مشاكل بينما أي لاعب أخر لا يحدث له أي شيء
عموما اسيبكم تفكروا وقولولي رأيكم

4 comments:

البورسعيدي said...

ليه ما بتجددش في موضوعاتك بدأت بدايه قويه وتراجعت في الاواخر يا ريت حتى لو على الاقل كل يومين موضوع عشان الناس ما تهجرش المدونه حتى لو هتنقل موضوع عجبك عن موقع معين يا ريت تخلي بالك من الموضوع ده وتتحفنا بمواضيع الرائعه
اخوك تامر مبروك
الحقيقه المصريه

ضد الظلم said...

انا معك فى ما قلت فعلا السؤول جوابه معروف هى المؤامره ياصديقى نحن ك مسلمين او عرب اصبحنا فى دوامه من المؤامرات


تحياتى

Nasra Sameeh said...

أنا رأيي إنك عسل
مليون تحية ياموظف يامصري

almowazaf masry said...

شكرا يا أستاذة نصرة سامح
وانا دخلت موقعك وهو جميل جدا وياريت تديني فرصة اشارك فيه